لە هەولێر دوو برا بەهۆی تووشبوونیان بە ڤایرۆسی کۆرۆنا لە یەک رۆژدا مردن و هەر ئەمڕۆش بەخاکسپێردران.
بەیار نەجاڕ، قائیمقامی قەزای مەخموور بە وەکالەت بە تۆڕی میدیایی باڵکێشی وت” ئەمڕۆ هەینی 21.8.2020 دوو برا کە خەڵکی قەزای مەمخوورن و دانیشتووی هەولێرن، بەهۆی ڤایرۆسی کۆرۆناوە گیانیان لەدەستدا و هەر ئەمڕۆش لە گۆڕستانێکی هەولێر بەخاکسپێردران، دووبراکە ناویان ئەکرەم عەبدوڵا مەجید و بەهرام عەبدوڵا مەجیدە، تەمەنیان لەنێوان 60-70 ساڵاندایە و 10 رۆژە تووشی ڤایرۆسی کۆرۆنا بوون و لەماڵەوە خۆیان کەرەنتینکردووە و بە رێنمایی پزیشک ئۆکسجین و چارەسەریشیان بردۆتە ماڵەوە، بەڵام ئەمڕۆ گیانیان لەدەستدا.