دەیان سەربازی ئەمریکی بەهۆی درۆنەکانی میلیشیا عێراقیەکان بریندار دەبن
70 سه‌ربازیی ئه‌مریكی به‌هۆی هێرش كردنه سه‌ر بنكه‌كانیان له عێراق و سووریا بریندار بوونه.
ئه‌مڕۆ یه‌كشه‌ممه 21ی 1ی 2024، وه‌زاره‌تی به‌رگریی ئه‌مریكا پشتڕاستی كرده‌وه كه ده‌یان سه‌ربازیی ئه‌مریكی به‌هۆی ئه‌و هێرشانه‌ی كه ده‌كرێنه سه‌ر بنكه‌كانیان له عێراق و سووریا بریندار بوونه.
رۆژنامه‌ی (نیویۆرك تایمز) له زاری به‌رپرسانی سه‌ربازیی ئه‌مریكا بڵاوی كرده‌وه كه نزیكه‌ی 70 سه‌ربازیی ئه‌مریكی به‌هۆی هێرشه‌كانی ئه‌م دواییه‌وه له عێراق و سووریا بریندار بوون.
له‌وه‌ته‌ی شه‌ڕ له غه‌ززه له 7ی ئۆكتۆبه‌ری ڕابردوه‌وه به‌رپا بووه، له عێراق و سووریا هیرش ده‌كرێته سه‌ر بنكه سه‌ربازییه‌كانی ئه‌مریكا و به‌شێكی به‌رچاوی ئه‌و هێرشانه‌ش مه‌قاوه‌مه‌ی ئیسلامی له عێراق كه له گرووپه میلیشیا شیعه‌كان پێكدێن، ده‌یگرنه ئه‌ستۆ.