سێ کەس لە زێی گەورە لە سنووری قەزای خەبات خنکان و تەرمی هەرسێکیان لەلایەن تیمی ژێردەریایی بەرگریی شارستانیی قەزای خەباتەوە دەرهێنران.
سەرکەوت کاڕەش، وتەبێژی بەڕێوەبەرایەتی بەرگریی شارستانیی هەولێر رایگەیاند: دوای نیوەڕۆی ئەمڕۆ لە زێی گەورە لە قەزای خەبات و بە دیاریکراوی لە نزیک پردی کۆنی قەزاکە سێ کەس، کە پیاوێکە لەگەڵ کوڕ و برازایەکی خنکاون.
خنکاوەکان، بەختیار کەریم، تەمەن 28 ساڵ؛ بنیامین بەختیار، تەمەن 6 ساڵ و کەژاڵ هەژار، تەمەن 17 ساڵن.