روونکردنەوەیەک لە وەزارەتی سامانە سروشتییەکانەوە:
لە چوارچێوەی هەوڵەکانی وەزارەتی سامانە سروشتییەکان بۆ چارەسەرکردنی کێشەی کەمبوونەوەی بەنزین و دابەزاندنی نرخەکەی، بڕی 540,000 لیتر بەنزین گەیشتە هەرێمی کوردستان و لە بەنزینخانەکان بە نرخی ٧٥٠ دینار دابەش دەکرێت. بڕیارە هەر ئەمڕۆ بڕی 1،512،000 لیتر بەنزینی دیکەش بگاتە هەرێمی کوردستان.
لە لایەکی دیکەوە، وەزارەتی سامانە سروشتییەكان بۆ هاوردەکردنی بەنزینی زیاتر، مۆڵەتی هاوردەکردنی داوەتە کۆمپانیاکانی کەرتی تایبەت.