عێراق: 75 تووشبووی کۆرۆنا گیانیان لە دەستدا
نزیکەی چوار هەزارو 350 حاڵەتی نوێی تووشبوون بە کۆرۆنا لە عێراق و هەرێمی كوردستانی تۆماركراو 75 تووشبووش گیانیان لە دەستداوە.
بە گوێرەی ئامارێكی نوێی وەزارەتی تەندروستی عێراق، لە ماوەی 24 کاتژمێری ڕابردوودا، نزیکەی چوار هەزار و 350 حاڵەتی نوێی تووشبوون بە ڤایرۆسی كۆرۆنا تۆماركراون و دوو هەزارو 675 تووشبووش ڤایرۆسەکەیان تێپەڕاندووەو نەخۆشخانەیان جێهێشتووە.
كۆی گشتیی تووشبووانی ڤایرۆسی كۆرۆنا لە عێراق و هەرێمی كوردستان، گەیشتووەتە 176 هەزار و 931 كەس و ژمارەی چاكبووەکانیش گەیشتە 125 هەزار و 374 كەس، هەروەها ژمارەی گیانلەدەستدان بەهۆی ڤایرۆسەکە بۆ پێنج هەزارو 860 کەس بەرزبووەتەوە.