ئەنجامی بەرایی 40٪ـی دەنگی جیاکراوەی هەڵبژاردنی سەرۆکایەتی تورکیا بزانە
بەگوێرەی ئەنجامی بەرایی هەڵبژاردنی سەرۆکایەتیی کۆماری تورکیا کە 40.04٪ـی دەنگەکان جیاکراونەتەوە؛ رەجەب تەیب ئەردۆغان، بەربژێری هاوپەیمانیی جمهوور 52.70٪ـی دەنگەکانی بەدەستهێناوە و کەماڵ کڵچدارئۆغڵو، بەربژێری هاوپەیمانیی میلـلەت 41.39٪ـی دەنگەکانی بەدەستهێناوە. هاوکات سینان ئۆغان، بەربژێری هاوپەیمانیی ئاتا 05.36٪ـی دەنگەکانی بەدەستهێناوە.
بەڵام میدیای جەهەپە دەڵێت، 13.11٪ـی دەنگەکان جیاکراونەتەوە و رەجەب تەیب ئەردۆغان 50.66٪ـی دەنگەکان و کەماڵ کڵچدارئۆغڵوش 43.99٪ـی دەنگەکانی بەدەستهێناوە.
سێ کەس بەربژێری سەرۆکایەتیی کۆمارن؛ رەجەب تەیب ئەردۆغان، بەربژێری هاوپەیمانیی جمهوور؛ کەمال کڵچدارئۆغڵوو، بەربژێری هاوپەیمانیی میلـلەت و سینان ئۆغان، بەربژێری هاوپەیمانیی ئاتا، بەڵام رکابەرایەتییە تووندەکە لەنێوان ئەردۆغان و کڵچدارئۆغڵوودایە.