نووسینگەی راگەیاندنی راوێژکاری ئاسایشی نیشتمانی عێراق بڵاویكردووەتەوە، قاسم ئەعرەجی راوێژکاری ئاسایشی نیشتمانی عێراق سەرۆکایەتی شاندێکی باڵای ئەمنی دەکات بۆ شاری سلێمانی .
ئەعرەجی لەسەر رێنمایی محەممەد شیاع سوودانی، فەرماندەی گشتی هێزە چەکدارەکان، چووەتە پارێزگای سلێمانی.
دوێنێ هەینی 2023/4/7 ئاسایشی فڕۆکەخانەی نێودەوڵەتی سلێمانی رایگەیاند، تەقینەوەیەک لە نزیک سیاجی فڕۆکەخانەی سلێمانی روویداوە.
دواتر ئاشکرا بوو کە بە درۆن هێرش کراوەتە سەر فرۆکەخانەی سلێمانی.
ئەمە لە کاتێکدایە کە ئێوارەی دوێنێ هەینی، مەزڵوم عەبدی، فەرماندەی هێزەکانی سووریای دیموکرات لە فرۆکەخانەی سلێمانییەوە گەڕاوەتەوە بۆ رۆژئاوای کوردستان.