ئەفغانستان.. لە تەقینەوەیەکدا 28 کەس کوژران
لە ئاکامی تەقینەوەیەکی بەهێز لەنێو مزگەوتێکدا 28 کەس کوژراون و 45 کەسی دیکەش بریندار بوون
ئەمڕۆ هەینی تەقینەوەیەکی بەهێز یەکێک لە گەورەترین مزگەوتەکانی شاری هەراتی لە رۆژئاوای ئەفغانستان هەژاند و بەهۆیەوە دەیان کوژران و برینداربوون.
میدیاکانی ئەفغانستان رایگەیاند، تەقینەوەکە لە مزگەوتی کازارجا بەر لە نوێژی هەینی روویدا و بەهۆیەوە ئیمامی مزگەوتەکە و ژمارەیەک کەسی دیکەش کوژران.
تا ئێستا ژمارەی قوربانییەکانی تەقینەوەکە گەیشتووەتە 28 کوژراو و 45 بریندار.