هاتووچۆی هەولێر سێ مەرجی بۆ کاری تاکسی راگەیاند 

رێنمایی نوێ بۆ کاری تاکسی لە هەولێر چووە بواری جێبەجێکردنەوە و هاتووچۆی هەولێریش سێ مەرجی خستەڕوو.

مەرجەکان پێکهاتوون لە:

١-دەبێت ئۆتۆمبێلی هاوردەکراو تاکسی بێت و رەنگی تبنی بێت، وەکو ئەو تاکسیانەی کە لە هەرێمی کوردستان کاریان پێدەکرێت.

2-بۆ تۆمارکردنی تاکسیە مۆدێل بەرزەکە پێویستە تاکسیەکی  مۆدیل کۆن  هەڵبوەشێننەوە.

3-ئەو هاووڵاتیانەی کە دەیانەوێت تاکسیەکانیان بە ئارەزومەندانە بگۆڕن بۆ تایبەت، رێگاپێدراون و دەتوانن کەڵک لە ژمارەی تاکسیەکە وەربگرن و بیفرۆشنەوە، لە بەرامبەردا سوماتی تۆمارکردنی ئۆتۆمبێلی تایبەت بدەن.