لە سنووری پاريزگای سلێمانی بەهۆی بارانبارین و هەورەبروسکەوە (41) فیدەری کارەبا شۆرت دەکەن.
ئەندازیار غالب محمد بەریوەبەری کۆنترۆڵ و گەیاندنی کارەبای سلیمانی رایگەیاند: لە ماوەی 24 کاتژمێری رابردوو 41 فیدەری کارەبا شۆرتیان کردووە و تیمەکانی چاکسازیی کارەبای شار و شارۆچکەکان هەر زوو بەدەم کێشەکانەوە چوون و چارەسەریان کرد.
لە رانیەش، 8 فیدەری کارەبا بە هۆی بارانبارین و هەورە بروسکەی ئەمڕۆوە شۆرتیان کرد.
ئەندازیار عەلی حمەد بەڕێوەبەری دابەشکرنی کارەبای راپەرین رایگەیاند: بە هۆی بارانبارین و هەورە بروسکەی ئەمڕۆ شەممە، هەشت فیدەری کارەبا لە رانیە، چوار قورنە، حاجیاوا شۆرتیان کردووە.
تیمەکانی چاکسازی، هەر کامەیان لە سنووری خۆیان بێ گوێدان بە باو و باران کەوتنە گەڕان و پشکنین و، شوێنی شۆرتی کارەبایان دۆزییەوە و چارەسەرییان کرد.