لە بابەتی پڕۆسەی ھەڵبژاردندا پارتی لە عێراق و لە کوردستانیش کۆڵی ئینتیخابی لە ھەموو حیزب و قەوارەکانی تر سەنگینترە، ڕووی لە ڕووی ئەوانی تر سپیترە، لە قەڵەمڕەوی خۆیدا بە تایبەت و لە کوردستان بە گشتی نمونەیەکی دانسقەی نیشانداوە، پارتی لە کوردستان سەرباری ئەو دژایەتییە چڕەی کە لەسەری ھەبووە و ھەیشە، ھێشتا ھەر بەرەو پێشەوە مل دەنێت، لە ناوچەیەکی نائارامدا کوردستانی کردۆتە دوورگەیەکی ئارام، ھەرێمی کوردستانی کردۆتە چیرۆکێکی سەرنجڕاکێش بۆ ناوچەکە و جیھان و وڵاتانی عەرەبی، پایتەختەکەشی کە«ھەولێر»ە لەسەر ئەرزی واقیع کردۆتە پایتەختی سیاسی عێراق و مەڕجەعی سیاسی قەزیەی سیاسی کورد بە گشتی، بەڵام خەڵکیتر سەرباری ئەو پشتگیرییە ماددی و مەعنەوی و ئیعلامییەی کە لێیان دەکرا، دواجار لە جیاتی سەرکەوتن، چیرۆکی شکستی حوکمڕانی خۆیان نووسییەوە، نیشانی دنیایاندا کە ئەوان ئەھلی سیاسەتی سەردەمی و بەرپرسیاریەتی نیشتیمانی نین.