بەگوێرەی ئاژانسەکانی بۆرسەی جیهانی، نرخی یەک بەرمیل نەوتی برنت لە ئێستادا بە ٦٤ دۆلارو ٩٧ سەنت مامەڵەی پێوە دەکرێت کە بەڕێژەی ٢.٢٣% نرخەکەی لەدەستداوە، هاوکات نرخی بەرمیلێک نەوتی خاوی ئەمریکیش بە ٦١ دۆلار و ٨٦ سەنت مامەڵەی پێوەکرا.
بەتەنیا لە ماوەی یەک هەفتەدا نرخی نەوتی برێنت بەرێژەی 8% دابەزیوە. هەر بەرمیلێک نەوتی برێنت رۆژی هەینی 1.27 دۆلار دابەزی و بە 65 دۆلار 18 سەنت مامەڵەی پێوەکرا.
نرخی نەوت رۆژی هەینی لە کاتی داخستنی بازاڕەکاندا دابەزی بۆ کەمترین ئاستی خۆی لە نۆ مانگی رابردوودا. بۆ ماوەی حەوت رۆژی بەردەوامیشە نرخی جیهانیی نەوت لەبەر نیگەرانیی لە کەمبوونەوەی خواست بۆ نەوتی خاو دادەبەزێت.