ئیسرائیل بۆ زانا ناوکییەکانی: ئاگاداری ھێرشی ئێران بن

ئیسرائیل هۆشداریی دەداتە زانا ناوکییەکانی و لە ئەگەری هێرشی ئێران ئاگاداریان دەکاتەوە.

دەزگا ئەمنییەکانی ئیسرائیل داوایان لە زانا ناوکییەکانی وڵاتەکەیان کردووە ڕێڕەوی خۆیان بگۆڕن، هیچ دیارییەک وەرنەگرن و ئاگاداری پۆستە بن و نەیانکەنەوە.

ئەو هۆشداریدانە بەهۆی ئەگەری هێرشی ئێران و کوشتنی ئەو زانا ناوکییە ئیسرائیلییانەیە لە تۆڵەی کوژرانی موحسین فەخریزادە، زانای ناوکیی ئێرانی، کە رۆژی 27-11-2020 لە باکووری شاری تاران لەلایەن ژمارەیەک چەکدارەوە کوژرا.