ناتانیاهۆ سه‌ردانی سعودیه و قائانی سه‌ردانی به‌غدای كردووه
كاروان كه‌لاری/ باڵكێش
ئه‌م هه‌فته‌یه فه‌رمانده‌یی ناوه‌ندی هێزه‌كانی ئه‌مریكا فڕۆكه‌ی وێرانكه‌ری (B52)ی هێنایه ناوچه‌كه، ئه‌مه‌ش به گه‌ڕانه‌وه بۆ ئه‌زموونی ڕابردوو هێنانی ئه‌و جۆره فڕۆكه‌یه به مانای ده‌سپێكردنی جه‌نگی گه‌وره دێت.
ڕۆژی یه‌كشه‌ممه‌ی ئه‌م هه‌فته‌یه، 22ی تشرینی دووه‌م، بنیامین ناتانیاهۆ، سه‌رۆكوه‌زیرانی ئیسرائیل دوور له‌چاوی میدیاكان و به نهێنی سه‌ردانی سعودیه‌ی كردووه و له‌گه‌ڵ هه‌ریه‌كه له مایك پۆمپیۆ، وه‌زیری ده‌ره‌وه‌ی ئه‌مریكا و محه‌ممه‌د بن سه‌لمان، شازاده‌ی سعودیه كۆبووه‌ته‌وه.
هاوكات، هه‌فته‌ی ڕابردووش، ئیسماعیل قائانی، فه‌رمانده‌ی فه‌یله‌قی قودسی سوپای پاسدارانی ئێران به نهێنی سه‌ردانی به‌غدای كردووه و له‌گه‌ڵ گروپه چه‌كداره‌كانی نزیك له ئێران كۆبووه‌ته‌وه و داوای لێكردوون به‌هیچ شێوه‌یه‌ك كاری بێزاركه‌ر یان هێرش له دژی هێزه‌كانی ئه‌مریكا له ناوچه‌كه ئه‌نجام نه‌ده‌ن بۆ ئه‌وه‌ی تره‌پ نه‌یكاته بیانوو بۆ هێرشكردنه سه‌ر ئێران.