كاروان كه‌لاری/ باڵكێش
تاكه نه‌خۆشخانه‌ى ژنان و مناڵبوون له گه‌رمیان ڕووبه‌ڕووى گرفتی نه‌بوونى ده‌رمان و پێداویستی پزیشكی ده‌بێته‌وه، به‌رپرسێكى ته‌ندروستی گه‌رمیانیش ده‌ڵێت، “كێشه‌كه چاره‌سه‌ر كراوه.”
سه‌رچاوه‌یه‌كی ئاگادار ڕایگه‌یاند، “له هه‌فته‌ى ڕابردووه‌وه، نه‌خۆشخانه‌ى شه‌هید شێره‌ى نه‌قیب بۆ ژنان و مناڵبوون له كه‌لار، ڕووبه‌ڕووى كێشه‌ى نه‌بوونى ده‌رمان و كه‌ره‌سته و چاره‌سه‌رى پێویستی پزیشكی بووه‌ته‌وه، به‌ڕاده‌یه‌ك كه نه‌خۆشه‌كان ناچاربوون له ده‌ره‌وه ده‌رزى و ده‌رمان بكڕن.”
ئاماژه‌ى به‌وه‌شكرد، “كه به‌رپرسانى نه‌خۆشخانه‌كه وتوویانه، كه‌ره‌سته و ده‌رمانى پێویستیان نه‌ماوه.”
سه‌رچاوه‌یه‌ك له ته‌ندروستی گه‌رمیانیش به تۆڕی میدیایی باڵكێشی وت: “گرفته‌كه چاره‌سه‌ر كراوه.”
وتیشی، “گرفته‌كه بۆ ئه‌وه ده‌گه‌ڕێته‌وه كه ته‌نده‌رى كڕینی ده‌رمان و پێداویستییه‌كان ئه‌نجام نه‌دراوه، ئه‌مه‌ش بووه‌ته هۆی كه‌مبوونه‌وه‌ى ده‌رمان و پێداویستییه پزیشكییه‌كانیان.”