كاروان كه‌لاری/ باڵكێش
ئه‌مڕۆ پێنج شه‌ممه، 29ی ئۆكتۆبه‌ر، یادی له‌دایكبوونی په‌یامهێنی ئیسلام (محه‌ممه‌د)ه، هاوڵاتیانى شارى هەولێر بە بەخشینى شیرینى و بڵاوکردنەوەى سروده ئاینییەکان یاده‌كه دەکەنەوە.
حازم جه‌عفه‌ر، په‌یامنێری باڵكێش له هەولێر ڕایگەیاند، “لە زۆربەى شوێنەکانى شارى هەولێر و سەرشەقامەکان و بازاڕ و مزگه‌وته‌كان شیرینى دەبەخشرێتەوە و ساڵڕۆژى لەدایکبوونى په‌یامهێنی ئیسلام محه‌ممه‌د دەکرێتەوە.”
ئه‌مه لە کاتێکدایە، حكومه‌تی هه‌رێمی كوردستان ئه‌مڕۆ پێنج شه‌ممه، 29ی ئۆكتۆبه‌ری كرده پشووی فه‌رمی له‌سه‌رجه‌م داموده‌زگاكان و وه‌زاره‌تی ئه‌وقاف و كاروباری ئایینیش به‌هۆی بڵاوبوونه‌وه‌ی كۆرۆناوه بڕیاریدا هیچ بۆنه و مه‌راسیم و چالاكییه‌ك به‌ڕێوه نه‌چێت.
