كاروان كه‌لاری/ باڵكێش
دەستەی ئاماری هەرێمی کوردستان ڕايگەياند، سەرژمێری گشتی دانيشتوانی عێراق بۆ کۆتایی ساڵی ٢٠٢١ دواخرا، کە بڕيار بوو کۆتایی ئەساڵ ئەنجامبدرێت.
دەستەی ئاماری ھەرێم لە راگەیەندراوێکدا ئاماژەی بەوەکرد: “لەمیانی کۆبوونەوەیەکی وەزیری پلاندانانی ھەرێمی كوردستان و سەرۆکی دەستەی ئامار و ڕاوێژکاری نیشتمانی، گفتوگۆ لەبارەی دوایین ھەوڵەکان بۆ سەرخستنی پرۆسەی سەرژمێری گشتی لە عێراق و ھەرێمی كوردستان کرا.”
ده‌سته‌ی ئاماری هه‌رێمی كوردستان له راگه‌یندراوه‌كه‌دا ئه‌وه‌شی خستووه‌ته‌ڕوو: “كه جه‌ختیان له کارکردن و ھەماھەنگییە بەردەوامەکانی نێوان ھەردوولا کردوەتەوە و هاوڕاشبوون له‌سه‌ر ئه‌وه‌ی كه ڕێکخراوی نەتەوە یەکگرتووەکان بۆ سەرژمێری گشتی ڕۆڵی زیاتر بگێڕێت، بەتایبەت لە پاڵپشتیی تەکنیکی و دارایی دا.”
بڕیاربوو پڕۆسەی سەرژمێری لە عێراق و هەرێمی کوردستان لە کۆتایی ئەمساڵ بەڕێوە بچێت، به‌ڵام دواخر بۆ ساڵی 2021.