هاروونی تەمەن 17 ساڵان و ڕێبینی برابچووکی کە تەمەنی 6 ساڵانە، بەیەکەوە دەچنە بەنداوی ئاوەسپی بۆ مەلەکردن، بەڵام هەردووکیان دەخنکێن.
مقەدەم عەلی جەمال قەدووری، وتەبێژی پۆلیسی کەلار بە (تۆڕی میدیایی باڵکێش)ی راگەیاند “نیوەڕۆی ئەمڕۆ دووشەممە 3.8.2020 لە گوندی (بنکە)ی سەر بە ناحیەی (خان)ـوە تەرمی دوو منداڵ کە برای یەکن بەناوەکانی (ڕێبین یاسین محەمەد) تەمەن 6 ساڵ و (هاروون یاسین محەممەد) تەمەن 17 ساڵ هێنرانە بەشی فریاکەوتنی شەهید هەژار لە کەلار کە بەهۆی خنکان لە ئاودا گیانیان لەدەستدابوو”.قەدووری ئاماژەی بەوەکرد ” منداڵە بچووکەکە کەوتووەتە ئاوەکەوە و لەکاتێکدا براکەی ویستوویەتی رزگاری بکات، ئەویش خنکاوە، ئێستا تەرمەکان دۆزراونەتەوە و ڕەوانەی پزیشکی دادوەری کەلار کراون”.