پۆلیسی پارێزگای كەركووك هەواڵی هەوڵی تیرۆركردنی یەكێك لە بەربژێرەكانی یەكێتی لە كەركووك بە درۆ دەخاتەوە و دەڵێ تەقە لە ئۆتۆمبێلی هاوڕێیەكى ئەحمەد كەركووكی كراوە، كاتێك ئۆتۆمبێلەكە كەسی تێدا نەبووە.
ئەحمەد كەركووكی بەربژێری یەكێتی بۆ ئەنجوومەنی پارێزگای كەركووك رای گەیاندبوو كە هەوڵی تیرۆركردنی دراوە، بەڵام پۆلیسی كەركووك لە ڕوونكردنەوەیەكدا رەتی دەكاتەوە.
لە روونكردنەوەی پۆلیسی كەركووكدا هاتووە كە ئەو هەواڵەى باس لە هەوڵی تیرۆركردنی بەربژێرێكی یەكێتی دەكات لە كەركووك دوورە لە راستیەوە، ئەو ئۆتۆمبێلەی گوللەی بەركەوتووە هی ئەو نەبووە و هی هاوڕێیەكی بووە.