خۆپیشاندانی عەرەب و تورکمانی کەرکووک هەفتەیەکە بەردەوامە و رێگەی سەرەکی کەرکوک-هەولێر یان داخستووە. لە بەرامبەردا ئەمڕۆ کورد لە گەڕەکی ڕەحیماوا دەستی بە خۆپیشاندان کرد.
لە خۆپیشندانەکاندا ئاڵۆزی دروست بووە و تائێستا چەند ئۆتۆمبێلێک سووتێنراون، هێزەکانی کەرکوکیش هەوڵدەدەن رێگری لە کوردەکان بکەن.
ئێستا هەردوو لای خۆپیشاندەران خەریکە دەگەنە یەکتر و مەترسیی دروستبوونی شەڕ و ئاڵۆزی هەیە.
بەپێی زانیارییەکان، لە خۆپیشاندانەکەدا گەنجێکی کورد بە تەقەی هێزەکانی کەرکوک برینداربووە.