ئەو کچەی کە ڕۆژی هەینی ڕابردوو لەلایەن چەند گەنجێکەوە لە ناوچەی هوانەی سلێمانی هێرش کرایە سەری، ئێستا بێسەروشوێنە و تەنانەت کەسوکاریشی سۆراغی نازانن.
بەپێی زانیارییەکان، کچەکە یوتیوبەرە و خەڵکی شاری خانەقینە. لەگەڵ چەند هاوڕێیەکی نزیکەی ساڵێکە لە سلێمانی دەژین.
دوای رووداوەکە، کچەکە هەڵاتووە و تا ئێستاش بێسەر و شوێنە. تەنانەت کەسوکاریشی نازانن لەکوێیە و هیچ سکاڵایەکیشیان تۆمار نەکردووە.
ئەمە لە کاتێکدایە کە دوێنێ پۆلیسی سلێمانی دەستگیرکردنی 16کەسی بە تۆمەتی هێرشکردنە سەر ئەو کچە ڕاگەیاند.