وتەبێژی هاتوچۆی هەولێر بڵاویکردەوە، بەهۆی هەوڵی تێپەڕاندنی هەڵە لە شەقامێکی خراپ کارەساتێکی نایەوە.
فازل حاجی، وتەبێژی پۆلیسی هاتوچۆی هەولێر رایگەیاند، کاتژمێر8ی بەرەبەیانی ئەمڕۆ، لەسەر ڕێگای هەولێر -کۆیە، لەنزیک مەفرەقی دەربەند، نیسانێکی تایبەت هەوڵی دا لەئوتومبێلێکی تر لەبەردەمی ڕەت بێت. لەوکاتەش سەرکە ترێلەیەکی سکانیا لە دیوەکەی تر لەسایدی خۆی بەرامبەری دەهات، وە بەهۆی خێرایی و نەبوونی کات لەبەردەستی شوفێری نیسانەکە، بۆیەنەیتوانی بگەڕێتەوە سایدی خۆی و ڕووبەڕوو خۆی کێشا بەترێلەکە.
فازل حاجی ڕاشیگەیاند، لە دەرەنجامی ڕوداوەکە شوفێروسەرنشینی نیسان کە هاوسەری یەکتربوون، هەردوکیان گیانیان لەدەستدا و زیانێکی زۆری مادیش کەوتەوە.
وتەبێژەکەی هاتوچۆ ئەوەشی خستەڕوو، پێویستە شۆفێران ئاگاداری خۆیان بن لەو ڕێگایانەی کەتاکسایدن ومەودای بینینیان کەمە زۆر بەئاگاییەوە تێپەڕاندن ئەنجام بدەن.