ئومێد ئەحمەد وتەبێژی وەزارەتی کارەبا:

- توانایی بەرهەمهێنانی کارەبا 3500 مێگاواتە. 

- لە وەزری هاوین بە تێکڕایی 14 بۆ 15سەعات کارەبای نیشتمانی دراوە. 

- ئێستا بە نزمبوونەوەی خواست لەسەر کارەبا، ماوەکانی پێدانی کارەبا 18 کاتژمێرە. 

- کار لەسەر زیادکردنی 50 ملیۆن پێ سێجا بەرهەمهێنانی گازی سروشتی لە کێلگەی کۆرمور دەکرێت، کە بە هۆیەوە بەرهەمهێنانی کارەبا 250 مێگاوات زیاد دەبێت. 

- تا مانگی ئاداری ساڵی ئایندە، بە زیادکردنی 250 ملیۆن پێ سێجا بەرهەمهێنانی گاز، 750 مێگاوات کارەبا زیاد دەبێت. 

- تا ئێستا بۆ 1.3 ملیۆن هاوبەشی کارەبا پێوەری زیرەک دانراوە. 

- بە هۆی پێوەری زیرەکەوە، کارەبا کۆنترۆڵ کراوە، کۆتایی بە سەرپێچییەکان هێنراوە و ئاستی خزمەتگوزاریی کارەبا بەرز کراوەتەوە. 

- رێژەی بە فیڕۆچوونی کارەبا لە 35% بۆ 25% کەم کراوەتەوە و 10% بۆ ناو تۆڕی کارەبا گەڕێندراوەتەوە. 

- پاڵپشتیی دارایی حکومەت بۆ پێدانی کارەبا بە تایبەتی پولی ماڵان گەیشتووەتە لە 70%.

- وەزارەتی كارەبا لە کۆتایی ئەمساڵ ماستەر پلانی خۆی ئەپدەیت دەکاتەوە.