وەزیری ئاوەدانكردنەوە رایگەیاند، لەسەر راسپاردەی مه‌سرور بارزانی، سەرۆكی حكومەتی ھەرێمی كوردستان بەزووترین كات جارێكی دیكە تونێلی دەربەندیخان نۆژەندەكرێتەوە و رێگەی بەردەكەڕ - ناوتاق چەمەرگەش قیرتاو دەكرێت.
دانا عه‌بدولكه‌ریم، وەزیری ئاوەدانكردنەوەی حكومه‌تی هه‌رێمی كوردستان تونێلی دەربەندیخانی بەسەركردەوە و لە لێدوانێكدا ئاشكرای كرد، لەسەر راسپاردەی سەرۆكی حكومەتی ھەرێمی كوردستان سەردانی تونێلی دەربەندیخانی كردووە، بۆ ئەوەی لە نزیكەوە ئاگاداری زیانەكان بێت. كە بەر تونێلەكە كەوتووە.
وەزیری ئاوەدانكردنەوە گوتیشی: "بەزوترین كات جارێكی دیكە تونێلەكە نۆژەندەكرێتەوە و رێگەی بەردەكەڕ - ناوتاق چەمەرگە قیرتاو دەكرێت.
دوێنی پێنجشه‌ممه به‌هۆی رووداوێكی هاتووچۆوه ژماره‌یه‌ك ئۆتۆمبێل و بارهه‌ڵگری به‌هۆی گڕگرتنی تانكه‌رێكی سووته‌مه‌نییه‌وه بەردەم تونێلی دەربەندیخان سووتان، هه‌رچه‌نده زیانێكی زۆری ماددی درووست بوو، به‌ڵام زیانی گیانی نه‌بووه.
k24