دوای ماوەیەکی زۆر، بۆ یەکەم جار بافڵ تاڵەبانی، هاوسەرۆکی یەکێتی باسی گەڕانەوەی لاهور شێخ جەنگی دەکات.
باڵکێش زانیویەتی، لە کاتی بەڕێوەچوونی فیستیڤاڵی ئێڵ بەگی جاف لە سنوری سلێمانی، بافڵ تاڵەبانی و لاهور جەنگی لە یەک کاتدا بەشداریان کردووە، بەڵام لە دوو شوێنی جیاواز دانیشتوون.
بەپێی زانیاریەکان، لەکاتی گەیشتنی بافڵ تاڵەبانی، ژمارەیەک لە کەسایەتی و ڕیش سپی جاف، کۆبوونەتەوە و چوونەتە لای بافڵ تاڵەبانی بۆ ئەوەی قەناعەتی پێ بکەن بە گەڕانەوەی لاهور جەنگی و ئاشبونەوەیان، بەڵام ناوبراو وتویەتی : ئێستا کاتی ئەوا نییە، دواتر بیری لێ دەکاتەوە و قسەی لەبارەوە دەکات.