رۆژ بە رۆژ ئەگەری دووبارە هەڵبژاردنەوەی بەرهەم ساڵح بۆ پۆستی سەرۆککۆماری عێراق لاواز دەبێت و ئێستا ژمارەیەکی زۆر لە سەرکردەکانی یەکێتی لەگەڵ ئەودان کە یەکێتی کاندیدی خۆی بگۆڕێت.
بەپێی زانیارییەکانی باڵکێش، بەشێک لە سەرکردەکانی یەکێتی داوا دەکەن کە حیزبەکەیان بە فەرمی پاڵپشتی لە لەتیف ڕەشید بکەن نەک بەرهەم ساڵح. لەپێناو ئەوەی پارتی دیموکراتی کوردستانیش پاڵپشتی کاندیدی یەکێتی بکات.
ئەمە لە کاتێکدایە کە دەوڵەتی یاسا، بە سەرۆکایەتی نووری مالیکی، داوایان كردووە لە بەرپرسانی یەكێتی، بەرهەم ساڵح بگۆڕن.
ئێستا فشارەکان لەسەر یەکێتی و پارتی چڕتر بوونەتەوە و پێدەچێ لە چەند رۆژی داهاتوودا بۆ یەکلایی کردنەوەی ئەو پرسە کۆبنەوە.