عەبدولمونعیم عودات، سەرۆکی پەرلەمانی شانشینی ئوردن بە یاوەری شاندێک گەیشتە هەرێمی کوردستان و لە فڕۆکەخانەی نێودەوڵەتی هەولێر لەلایەن رێواز فایەق، سەرۆکی پەلەمان و شاندێکی حکومەتی هەرێمی کوردستان پێشوازی لێکرا.
بڕیارە سەرۆکی پەرلەمانی ئوردن سەردانی پەرلەمانی کوردستان بکات و لەگەڵ دەستەی سەرۆکایەتی و سەرۆکی فراکسیۆنەکان کۆدەبێتەوە.
هەر ئەمڕۆ سەرۆکی پەرلەمانی ئوردن، سەردانی سەرۆکی حکومەتی هەرێمی کوردستان دەکات، دواتریش لەگەڵ سەرۆکی هەرێمی کوردستان کۆدەبێتەوە، هەروەها دیداری لەگەل سەرۆک بارزانی دەبێت.