سەرۆکی فراکسیۆنی بزوتنەوەی گۆڕان لە پەرلەمانی کوردستان ڕایگەیاند، گۆڕان بە فەرمی پەرلەمانتارەکانی ئاگادارکردووەتەوە کە دەنگ بە کاندیدی پارتی بۆ وەزیری سامانە سروشتیەکان بدەن.
گوڵستان سەعید، سەرۆکی فراکسیۆنی گۆڕان لە کۆنگرەیەکی ڕۆژنامەوانیدا ڕایگەیاند، کاندیدی وەزیری سامانە سروشتیەکان کەسێکی بە ئەزموونە و دەنگی پێ دەدەین.
وتیشی" گۆڕان بە فەرمی پەرلەمانتارەکانی ئاگادارکردووەتەوە کە دەنگ بە کاندیدی پارتی بۆ وەزیری سامانە سروشتیەکان بدەن، هەر پەرلەمانتارێکی گۆڕانیش دەنگی پێ نەدا سەرپێچی لە بڕیارەکەی گۆڕان دەکات".