قائیمقامی هەولێر رایگەیاند، بڵاوبوونەوەی کۆرۆنا بەشێوەیەکی بەرچاو کەمیکردووە و ئێستا چاکبوونەوە لە تووشبوون زیاترە.
نەبەز عەبدولحەمید، قائیمقامی هەولێر لە کۆنگرەیەکی رۆژنامەوانیدا وتی: ئێستا لە هەولێر ڕۆژانە 20-40 کەس تووشی کۆرۆنا دەبن، ئەمەش دڵخۆشکەرە بەراورد بە رابردوو.
وتیشی"ژمارەی چاکبوونەوە لە تووشبوون زیاترە و ئێستا تەنیا 40 تووشبووی کۆرۆنا لە نەخۆشخانە حکومیەکاندا ماون".