تاوانبارێک کە دادگا بە ماددەی 430ی حوکمی داوە، لە زیندانی چەمچەماڵ هەڵدێت و تا ئێستاش دەستگیر نەکراوەتەوە.
سەرکەوت ئەحمەد، وتەبێژی پۆلیسی سلێمانی بە تۆڕی میدیایی باڵکێشی ڕاگەیاند، شەوی رابردوو کاتژمێر 10:30 تاوانبارێکی حوکمدراو بە ماددەی 430ی یاسای سزادانی عێراقی، لە زیندانی چەمچەماڵ هەڵاتووە، ئەمڕۆش فەرمانگی دەستگیرکردنی بۆ دەرچووەتەوە و پۆلیس بەدوایدا دەگەڕێ.
سەرکەوت ئەحمەد وتی"لیژنەیەکی لێکۆڵینەوە بۆ چۆنییەتی هەڵاتنی و هاوکارەکانی بۆ هەڵاتن پێکهێنراوە".