دەنگدان بۆ هەڵبژاردنی پەرلەمانی سوریا دەستپێکرد
پرۆسەی دەنگدان بۆ هەڵبژاردنی پەرلەمانی سوریا دەستیپێكرد ٢١٠٠ كەس خۆیان بۆ ٢٥٠ كورسی پەرلەمان كاندید كردووە.
لەدوای ساڵی 2011 و دەستپێکردنی خۆپیشاندانەکانەوە ئەمە سێهەم هەڵبژاردنی پەرلەمانیە لەو وڵاتە بەڕێوەبچێت.
بۆ ئەم هەڵبژاردنە 15 بازنە کە لە حەوت هەزار و 313 بنکە پێکدێت دیاریکراون، لیستی سەرەکیی بەرەی نیشتمانییە کە حیزبی بەعسی سووری سەرۆکایەتیی دەکات؛ 166 بەربژێری بەعس و 17 بەربژێری حیزبە هاوپەیمانەکانی لەخۆدەگرێت.
پەیوەست بە کوردیش، بەڕێوەبەرایەتیی خۆسەری باکوور و رۆژهەڵاتی سووریا کە 30٪ـی خاکی وڵاتەکەی لەدەستدایە، رایگەیاندووە هەڵبژاردنەکان بایکۆت دەکەن و رێگەش بە دانانی سندووقی دەنگدان لە سنووری دەسەڵاتی خۆیان نادەن.