يادى يه‌كى موحه‌ڕڕه‌م و سه‌رى ساڵى تازه‌ى كۆچى به‌ گه‌رمى له‌ ته‌واوى خوشك و برايانى موسڵمان له‌ كوردستان، عێراق و جيهان پيرۆز ده‌كه‌م، هيوادارم ساڵى تازه‌ خێر و خۆشى و ئاسووده‌يى بۆ ته‌واوى مرۆڤايه‌تى له‌گه‌ڵ خۆيدا بهێنێت و بۆ هه‌مووان ساڵى سه‌ركه‌وتن و كامه‌رانى بێت.

له‌م ياده‌ پيرۆزه‌دا جه‌خت له‌ پاراستن و قووڵكردنه‌وه‌ى كولتوورى پێكه‌وه‌ژيانى ئاشتييانه‌ و يه‌كترقبووڵكردن و لێبورده‌يى له‌نێوان ته‌واوى پێكهاته‌ ئايينى و نه‌ته‌وه‌ييه‌كانى كوردستاندا ده‌كه‌ينه‌وه‌ و هه‌موومان له‌پێناو ئێستا و داهاتوويه‌كى باشتردا بۆ گه‌ل و وه‌ڵاته‌كه‌مان، پێكه‌وه‌ كار ده‌كه‌ين.

سه‌رى ساڵى تازه‌ى كۆچى له‌ هه‌مووان پيرۆز بێت، هه‌موو ساڵێك به‌ خۆشى.

نێچيرڤان بارزانى
سه‌رۆكى هه‌رێمى كوردستان
1ى موحه‌ڕڕه‌مى 1445
19/7/2023

• https://www.facebook.com/sharer/sharer.php?u=https://presidency.gov.krd/congratulatory-message-from-the-president-of-the-kurdistan-region/
• https://twitter.com/home?status=https://presidency.gov.krd/congratulatory-message-from-the-president-of-the-kurdistan-region/