دادگا فەرمانی دەستگیرکردنی بۆ ئەندامێکی ئەنجوومەنی پارێزگای سلێمانی دەرکرد.
بەگوێرەی ئەو زانیارییانەی دەست باڵکێش کەوتوون، دادگای ناحیەی قۆرەتووی سەر بە قەزای خانەقین، فەرمانی دەستگیرکردنی بۆ محەممەد شێخ وەهاب، ئەندامی ئەنجوومەنی پارێزگای سلێمانی دەرکردووە و تۆمەتی ساختەکردنی لە نووسراو و پسوولەی داوەتە پاڵ ناوبراو.
محەممەد شێخ وەهاب، ئەندامی ئەنجوومەنی پارێزگای سلێمانی لە فراکسیۆنی گۆڕان، بەپێی ماددەی 289ی یاسای سزادانی عێراقی تۆمەتبارکراوە و گوایە لە دەروازەی سنووری پەروێزخان ساختەکاریی کردووە. بەڵام تا ئێستا دەستگیرنەکراوە و هیچ لێدوانێکیشی لەوبارەوە نەداوە.