بڕیارە سبەی دووشەممە پەرلەمانی کوردستان بە ئامادەبوونی سەرۆکوەزیران و جێگرەکەی کۆببێتەوە، بەڵام سەرۆکی ھەردوو فراکسیۆنی پارتی دیموکراتی کوردستان و یەکێتیی نیشتمانی کوردستان ناتوانن بەشداری لە دانیشتنەکەدا بکەن.
بەھۆی تووشبوونیان بە کۆرۆنا، ئومێد خۆشناو، سەرۆکی فراکسیۆنی پارتی و زیاد جەبار، سەرۆکی فراکسیۆنی یەکێتی، بەشداری لە دانیشتنەکەی سبەینێی پەرلەماندا ناکەن.
ھەردوو سەرۆک فراکسیۆن نزیکەی دوو ھەفتەیە تووشی کۆرۆنا بوون، بەڵام تەندروستیان جێگیرە.