رۆژی 7ـی ئایاری 2026، یەکەم کاروانی حاجیانی هەرێم لە فڕۆکەخانەی نێودەوڵەتیی هەولێرەوە بەرەو سعوودیە بەڕێکەوتن. بڕیاریشە لە دوو ڕۆژی داهاتوودا سەرجەمیان بگەڕێنەوە کوردستان. ئەمە بەقسەی گوتەبێژی بەڕێوەبەرایەتیی حەج و عومرەی هەرێمی کوردستان

کاروان ستونی گوتەبێژی حەج و عومرەی هەرێمی کوردستان رایگەیاند: دوای  بڕیاری دەسەڵاتی فرۆکەوانی عیراق بە کردنەوەی ئاسمانی عیراق و کورردستان بە ڕووی گەشتەکاندا و لە کۆبوونەوەی بەڕێوەبەرایەتی گشتی حەج و عومرە لەگەڵ دەستەی باڵای حەج و عومڕەی عیراق بڕیاردرا کە گەشتەکان ئاسایی بکرێنەوە.

گوتەبێژی حەج و عومرە باس لەوەش دەکات، هەموو حاجیانی کوردستان بە رێگەی ئاسمانی بگەڕێنەوە و بڕیاریشە سبەی گەشتەکان وەکوو خۆیان بەردەوام بێت و لە ماوەی دوو رۆژدا سەرجەم حاجیانی کوردستان بگەڕێنەوە هەرێمی کوردستان بە رێگەی ئاسمانی.

ئەمساڵ پێنج هه‌زار و 120 کەس لە هەرێمی کوردستانەوە سەردانی وڵاتی سعوودییەیان کردووە بۆ بەجێهێنانی فەریزەی حەج، کە دوو هەزار و 368 ئافرەت و دوو هەزار و 752 پیاون.