بەڕێوەبەرایەتیی گشتیی نەهێشتنی ماددە هۆشبەرەکان دەستگیرکردنی سێ بازرگانی ماددەکە ڕادەگەیێنێت.

بەڕێوەبەرایەتی گشتیی نەهێشتنی ماددە هۆشبەرەکانی دەزگای ئاسایشی هەرێمی کوردستان رایگەیاند، بەهەماهەنگی لەگەڵ نەهێشتنی ماددە هۆشبەرەکانی بەڕێوەبەرایەتی ئاسایشی گەرمیان و نەهێشتنی ماددە هۆشبەرەکانی دووز خورماتوو، ( سێ )بازرگانی ماددەی هۆشبەریان لە شاری کەلار دەستگیرکرد.

ئەوەش هاتووە، لەڕۆژ 01-12-2025، لە شاری کەلار، لەئەنجامی کۆکردنەوەی زانیاری پێشوەخت و چاودێری ورد و بەدواداچوون، بەبڕیاری دادوەری لێکۆڵینەوەی ئاسایشی گەرمیان، توانرا سێ بازرگانی ماددەی هۆشبەر دەستگیربکرێن و دەستبەسەر بڕی چوار کیلۆگرام ماددەی هۆشبەر لە جۆری تلیاك، یەک کیلۆ و سێ سەد گرام ماددەی هۆشبەر لە جۆری کریستاڵ و سێ هەزار دەنک حەبی هۆشبەردا بگرن.
بەپێی ڕاگەێنراوەکە، لە ئێستادا تۆمەتباران بەبڕیاری دادوەر بەماددەی 26 لەیاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان ڕاگیراون و لێکۆڵینەوە لەدۆسیەکانیان بەردەوامە.