چوارشەممە 26ـی شوباتی 2025، سەرۆک مەسعود بارزانی لە سەلاحەددین پێشوازی لە شاندێکی باڵای هوداپار بە سەرۆکایەتیی زەکەریا یاپیچیئۆغلو سەرۆکی گشتیی هوداپار کرد.
لە دیدارەکەدا بیروڕا لەبارەی پڕۆسەی ئاشتی لە تورکیا و هەنگاوەکانی گەیشتن بە چارەسەری ئاڵوگۆڕ کرا. هەروەها جەختیش لە بایەخی پاڵپشتی و هەماهەنگیی لایەنەکان کرایەوە ئەویش لەپێناو سەرخستنی پڕۆسەی ئاشتی و گەیشتن بە چارەسەری لە تورکیا.
