بەگوێرەی پێشبینیەکانی کەشناسێکی عێراقی، شەپۆڵێكی خۆڵبارین عێراق و ناوچەكانی هەرێمی كوردستان دەگرێتەوە.
واسیق سەلامی شارەزای كەشناسی رایگەیاند: لە رۆژی یەكشەمی داهاتووەوە شەپۆڵێكی خۆڵبارین دەگاتە ئاسمانی هەرێمی كوردستان و پارێزگەكانی ناوەڕاست و باشووری عێراق.
راشیگەیاند: شەپۆڵە خۆڵبارینەكە بە چڕی زیاتر ناوچەی پارێزگەكانی ناوەڕاست و فوڕاتی ناوەڕاست دەگرێتەوە.
ئاماژەی بەوەش دا كە لەگەڵ خۆڵبارینەكە، پلەكانی گەرمایش زیاتر بەرز دەبنەوە.