ئیمانوێل ماکرۆن، سەرۆکی فەرەنسا ئەمڕۆ پێنج شەممە 2020/08/06 گەیشتە بەیرووتی پایتەختی لوبنان و بەپیادە بە کۆڵانە وێرانبووەکانی ئەو شارەدا گەڕا.
لەکاتی سەردانەکەیدا چەندین کەس لە چواردەوری کۆبوونەوە و وەکو ناڕەزایەتییەک بۆ دەسەڵاتدارانی وڵاتەکەی خۆیان هاواریان دەکرد "شۆڕش ، شۆڕش - هاوکاریمان بکەن". هەروەها سلۆگانی "گەل رووخاندنی رژێمی دەوێت"یان بەرزکردەوە.
لە یەکێک لە دیمەنەکاندا کە میدیای لوبنان بڵاویکردووەتەوە ئافرەتێک بە دەستکێش و دەمامکەوە باوەشی بە ماکرۆندا کردووە.
ماکرۆن لە سەردانەکەیدا رەخنەی لە دەسەڵاتدارانی لوبنان گرت و رایگەیاند، پلانیان بۆ چارەسەرکردنی کێشەکانی ئەو وڵاتە دەبێ.