كاروان كه‌لاری/ باڵكێش
بڕیارە سبەینێ پێنج شەممە، 29ی ئۆكتۆبه‌ر، فیستیڤاڵی هەنار و پایزی هەڵەبجە ساز بكرێت، جوتیار و باخەوان و پیشەوەر و خاوەن بەرهەمەكان و هاوڵاتیان دەتوانن تیایدا بەشداربن.
فیستیڤاڵه‌كه سێ ڕۆژ ده‌خایه‌نێت و بڕیاره، ڕۆژانی 29 و 30 و 31ی ئەم مانگە لە پاركی یاری شاری هەڵەبجە بەڕێوەبچێت.
بەپێی ڕێنماییەكان، هاوڵاتیان و جوتیاران دەتوانن بەشداربن و خاوەنكارانی بەرهەمی خۆماڵی بەرهەمەكانیانی تێدا نمایش دەكەن.