Balkesh Digital

دوایین بڵاوکراوەکان

13770 بابەت

هەواڵ

11-01-2023

مەسرور بارزانی و سوودانی جەخت لە چارەسەرکردنی کێشەکان دەکەنەوە

حكومه‌تی هه‌رێمی كوردستان رایگه‌یاند، مه‌سرور بارزانی به‌ سه‌رۆكوه‌زیرانی عێراقی راگه‌یاندووه‌، "ئەگەر نیازی چارەسەری هەبێت زۆر ڕێگە هەن بۆ چارەسەرکردنی کێشەکان و ئێمە رێککەوتنی لایەنەکان و کارنامەی وەزاریی حکومەتمان هەیە بۆ چارەسەرکردنی کێشە هەڵپەسێردراوەکان." ئه‌مڕۆ چوارشه‌ممه‌ (11ـی كانوونی دووه‌م/یه‌نایه‌ری 2023)، مەسرور بارزانی، سەرۆکی حکومەتی هەرێمی کوردستان بە سەردانێك گەیشتە بەغدا و لەگەڵ بەرپرسانی باڵای حکومەتی عێراقی کۆبووەوە. حكومه‌تی هه‌رێمی كوردستان له‌باره‌ی سه‌ردانه‌كه‌ی مه‌سرور بارزانی بۆ به‌غدا رایگه‌یاند: له‌ كۆبوونه‌وه‌ی نێوان مه‌سرور بارزانی و محه‌ممه‌د شیاع سوودانی جەخت لە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ لە سەر بنەمای دەستوور و كارنامەی وەزاریی کرایەوە. ده‌قی راگه‌یه‌ندراوه‌كه‌ی حكومه‌تی هه‌رێمی كوردستان له‌باره‌ی سه‌ردانی مه‌سرور بارزانی بۆ به‌غدا: سه‌رۆكی حکومەتی هەرێمی کوردستان له‌گه‌ڵ سه‌رۆك وه‌زيرانی فیدراڵ كۆبووه‌وه ئه‌مڕۆ چوارشەممە 1/11 سەرۆکی حکومەتی هەرێمی کوردستان مەسرور بارزانى، له‌گه‌ڵ محه‌مه‌د شياع سوودانى، سه‌رۆك وه‌زيرانى عێراقى فيدراڵ كۆبووه‌وه‌. له‌ كۆبوونه‌وه‌كه‌دا جەخت لە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ لە سەر بنەمای دەستوور و كارنامەی وەزاریی کرایەوە. سەرۆکی حکومەت ئاماژەی بەوە دا کە ئەگەر نیازی چارەسەری هەبێت زۆر ڕێگە هەن بۆ چارەسەرکردنی کێشەکان، گوتیشی ئێمە ڕێککەوتنی لایەنەکان و کارنامەی وەزاریی حکومەتمان هەیە بۆ چارەسەرکردنی کێشە هەڵپەسێردراوەکان. سەرۆک وەزیرانی فیدرال دووپاتی کردەوە کە خواستێکی بەهێزمان هەیە بۆ چارەسەرکردنی کێشەکانی نێوان هەرێمی کوردستان و حکومەتی فیدرالی بەشێوەیەک کە لە بەرژەوەندی گشت هاووڵاتییانی عێراقدا بێت. تەوەرێکی سەرەکی کۆبوونەوەکە، تایبەت بوو بە تاوتوێکردنی ئامادەکارییەکانی پڕۆژە یاسای بودجەی فیدرالی بۆ ساڵی 2023 و وردەکاییەکانی پشک و شایستە داراییەکانی هەرێمی کوردستان لە بودجەی فیدرالی . هەروەها گفتوگۆ دەربارەی هەنگاوەکانی ئامادەکردنی پڕۆژە یاسای نەوت و گازی فیدراڵی کرا هەروەک لە ڕێککەوتنی لایەنەکان بۆ پێکهێنانی حکومەت و کارنامەی وەزیدا هاتووە . هەردوولا هاوڕابوون لەسەر پێویستی جارەسەرکردنی کێشەکان و گەیشتن بە چارەسەرێک بۆ هەردوو تەوەری پەیوەندیدار بودجە و نەوت وگاز لە چوارجێوەی دەستووردا. گرنگی جێبەجێکردنی ماددەی 140ی دەستوور و دەستەبەرکردنی مافە دەستوورییەکانی هێزی پێشمەرگەی کورستان وەک بەشێک لە سیستەمی بەرگریی عێراقی فیدراڵ و جێبەجێکردنی ڕێککەوتننامەی شنگال , چەند تەوەرێکی دیکەی گفتوگۆکان بوو .

هەواڵ

11-01-2023

مه‌سرور بارزانی و له‌تیف ره‌شید كۆبوونەوە

ئه‌مڕۆ چوارشه‌ممه‌ (11ـی كانوونی دووه‌م/یه‌نایه‌ری 2023)، مەسرور بارزانی، سەرۆکی حکومەتی هەرێمی کوردستان بە سەردانێك گەیشتە بەغدا و لەگەڵ بەرپرسانی باڵای حکومەتی عێراقی کۆبووەوە. مەسرور بارزانی سەبارەت بە سەردانەکەی بۆ بەغدا، لە تویتێکدا رایگەیاند، "گه‌ڕاینه‌وه‌ بۆ به‌غدا و ئاماده‌ین له‌گه‌ڵ حكومه‌تی نوێی عێراق كاربكه‌ن بۆ ئه‌وه‌ی داهاتوویه‌كی باشتر و پرشنگدارتر بۆ گه‌له‌كه‌مان بونیادبنێین". ئامانجی کابینەی نۆیەم ئەوەبوو لاپەڕەیەکی سپی لەگەڵ بەغدا هەڵداتەوە و کار بۆ چارەسەرکردنی تەواوی کێشەکان بکات، هەربۆیەش لە گوتاری دەستبەکاربوونیدا مەسرور بارزانی، ئاماژەی بەوەدا، کابینەکەی دەیەوێت هه‌ماهه‌نگی سیاسی لەگەڵ بەغدا هەبێت، هاوبەشێکی راستەقینە بێت و مامەڵە لەگەڵ حکومەتێکدا بکەن، کە ته‌وافوق و هاوسه‌نگی بنەمای کارەکانی بێت، بۆ ئه‌و مه‌به‌سته‌ش سه‌رۆكی حكومه‌تی هه‌رێمی كوردستان له‌سه‌ره‌تای ده‌ستبه‌كاربوونی كابینه‌ی نۆیه‌مه‌وه‌، تا ئێستا سێ جار سه‌ردانی پایتەختی عێراقی كردووه‌. سه‌ره‌تا دەسەڵاتدارانی عێراق ئامادەییان دەربڕی، بەڵام تا ئێستا پابەندنەبوونە بە مافە دەستوورییەکانی هەرێمی کوردستان، بەتایبەت لەو پرسانەی پەیوەندییان بە ماددەی 140، مافەکانی پێشمەرگە و به‌شه‌ بودجه‌ی هه‌رێمی كوردستان و یاسای نەوت و گازه‌وه‌ ھەیە. دوای هاتنی سوودانیش بۆ ده‌سه‌ڵات، كابینه‌ی نۆیه‌می حكومه‌تی هه‌رێمی کوردستان به‌ سه‌رۆكایه‌تی مه‌سرور بارزانی توانیویه‌تی له‌سه‌ر ژماره‌یه‌ك پرسی هه‌ڵپه‌سێردراو له‌گه‌ڵ به‌غدا بگاته‌ رێككه‌وتن، له‌وانه‌ش: یاسای بودجه و نه‌وت و گاز و ماددەی 140ی دەستووریش كه‌ یەکێکە لەو ماددانەی سەرۆکی حکومەتی هەرێمی کوردستان لە سەردانەکانیدا جەختی لەسەر کردووەتەوە، بەگوێرەی دەستوور دەبێت بارودۆخی ناوچەکە ئاسایی بکرێتەوە، سەرژمێری و دواتریش راپرسی لەو ناوچانە ئەنجامبدرێت. هێزی پێشمەرگە بەپێی دەستوور، بەشێکە لە سیستەمی بەرگری عێراق، کەچی مافە داراییەکانیان نادرێت و بەشێك نین لەو گرێبەستانەی حکومەت بۆ پڕچەککردنی سوپا لەگەڵ وڵاتان ئەنجامی دەدات. خاڵەکانی كارنامەی کابینەی نوێی حکومەتی عێراق تایبەت بە هەرێمی كوردستان: 1. گفتوگۆكردن له‌سه‌ر دۆسیه‌ی نه‌وت و بودجه 2. ده‌ركردنی پرۆژه‌ یاسای نه‌وت و گاز 3. خه‌رجكردنی شایسته‌ داراییه‌كانی هاووڵاتیان 4. دووباره‌ پێكهێنانه‌وه‌ی لیژنه‌یه‌كی باڵای جێبه‌جێكردنی مادده‌ی 140 5. پێكهێنانی هێزی فریاكه‌وتن له‌ دانیشتوانی كه‌ركووك 6. هه‌ڵبژاردنی ئه‌نجوومه‌نی پارێزگای كه‌ركووك 7. جێبه‌جێكردنی رێككه‌وتنی شنگال 8. پڕكردنه‌وه‌ی بۆشای‌ ئه‌منی نێوان هێزی پێشمه‌رگه‌ی و سوپای عێراق 9. ده‌رچوواندنی پرۆژه‌یاسای دادگای فیدراڵی 10. ده‌رچوواندنی پرۆژه‌یاسای ئه‌نجوومه‌نی فیدراڵی 11. گواستنه‌وه‌ی راژه‌ی مامۆستایانی خوێندنی كوردی له‌ كه‌ركووك بۆ سه‌ر حكومه‌تی فیدراڵ 12. ده‌ستپێكردنه‌وه‌ی چالاكی سیاسی حزبه‌ كوردستانییه‌كان له‌ ناوچه‌ ناكۆكی له‌سه‌ره‌كان

هەواڵ

11-01-2023

لە دادگای هەولێر هه‌وڵی رفاندنی تۆمه‌تبارێك دەدرێت

له‌ناو دادگاو هەولێردا هه‌وڵی رفاندنی تۆمه‌تبارێك درا‌، به‌ڵام هێزه‌ ئەمنییەکان رێگرییان لێی كردووه‌. ئه‌مڕۆ دووشه‌ممە 2023/1/11 به‌پێی ئه‌و زانیارییانه‌ی ده‌ستكه‌وتووه‌، له‌ كاتی دادگاییكردنی دۆسیه‌ی كوشتن، خێزانی كوژراوه‌كه‌ له‌ناو دادگا هه‌وڵیان داوه‌ له‌ تۆمه‌تباره‌كه‌ بده‌ن و تۆڵه‌ی خۆیان بكه‌نه‌وه‌ و هه‌وڵی رفاندنی بده‌ن. سه‌رچاوه‌كه‌ ‌راشیگەیاند‌، دواتر هه‌ردوو خێزانه‌كه‌ له‌ به‌رده‌م دادگای هه‌ولێر به‌شه‌ڕ هاتوون و له‌ یه‌كتریان داوه‌، به‌ڵام بڵاوه‌یان پێ كراوە‌. له‌ ماوه‌ی رابردوودا له‌سه‌ر راگرتنی شوێنی وه‌ستانی ئۆتۆمبێل له‌ دریم ستی شاری هه‌ولێر، هاووڵاتییه‌ك كوژراوه‌ و ئه‌مڕۆش دادگاییكردنی تۆمه‌تباره‌كه‌ بووه‌. له‌ ساڵی ڕابردوودا 183 حاڵه‌تی كوشتنی به‌ ئه‌نقه‌ست و 32 حاڵه‌تی كوشتنی به‌ هه‌ڵه‌ و 240 حاڵه‌تی خۆكوشتن هه‌بووه‌.

هەواڵ

11-01-2023

مەسرور بارزانی سەردانی بەغدا دەکات

ئەمڕۆ چوارشەممە 1/11، مەسرور بارزانی سەرۆکی حکومەتی هەرێمی کوردستان ، بە سەرۆکایەتی شاندێکی باڵای حکومەت، بەرەو بەغدا بەڕێکەوت.سەرۆکی حکومەت لە بەغدا، لەگەڵ هەر چوار سەرۆکایەتییەکانی عێراق، سەرۆک وەزیران محەمەد شیاع سوودانی، سەرۆک کۆمار لەتیف ڕەشید، سەرۆکی ئەنجومەنی نوێنەران محەمەد حەلبوسی و سەرۆکی ئەنجومەنی باڵای دادوەری فائق زێدان کۆدەبێتەوە.لە کۆبوونەوەکاندا، گفتوگۆ دەربارەی چارەسەرکردنی کێشە هەڵپەسێردراوەکانی نێوان هەرێمی کوردستان و حکومەتی فیدراڵ ، لە سەر بنەمای دەستوور و ڕێککەوتنی لایەنەکان بۆ پێکهێنانی حکومەت و کارنامەی وەزاری دەکرێت.هەروەها برەودان بە هاریکاری و هاوئاهەنگیی نێوان هەردوولا لە پێناو ڕووبەڕووبوونەوەی کێشە و ئاستەنگەکان وچارەسەرکردنیان تاووتوێ دەکرێت.

هەواڵ

10-01-2023

سکرتێری رۆژنامەوانی مەلا بەختیار: تا بەیانی مۆڵەت بە عەلی حەمەساڵح دەد...

سکرتێری رۆژنامەوانی مەلا بەختیار:تا بەیانی مۆڵەت بە عەلی حەمەساڵح دەدەین، ئەگەرنا سکاڵای لەسەر تۆمار دەکەین دەقی روونکردنەوەکە داوای لێبوردن یان سکاڵاپەرلەمانتار عەلی حەمە ساڵح، لە کۆمێنتێکدا، تۆمەتێکی بۆ بەڕێز مەلا بەختیار و خانەوادەکەی هەڵبەستوە، گوایە لە ئوردن هۆتێل و خەستەخانەیان هەیە! لێرەوە، بەم رونکردنەوەیە رایدەگەیەنین، کە: ١-دوور و نزیک، راستەوخۆ یان ناڕاستەوخۆ، لە ئوردن یان لە هەر وڵاتێکی دنیا، هەر کەسێک توانی بیسەلمێنێ بەڕێز مەلا بەختیار خۆی، یان هاوسەری، یان لە ڕێگەی خزمێکییەوە، پرۆژەی بازرگانی گەورە، بچوک، مامناوەند یان هەرشێوەیەکی تری هەیە، بە دڵنیاییەوە بەڕێز مەلا بەختیار، لەبەردەم گەلەکەماندا ئیتر هەتا هەتایە، واز لە سیاسەت دەهێنێت. ٢-عەلی حەمە ساڵح، لەئێستاوە هەتا بەیانی کاتی دەوام، داوای لێبوردن نەکات، بێگومان لەسەر ئەم بوختانەی کە کردوێتی، سکاڵای یاسایی لەسەر تۆمار دەکەین. ٣-عەلی حەمە ساڵح، ئەگەر مەبەستی نییە هەموو رۆژێک لەسەر سۆسیالمێدیا بێت، بەڕیز مەلا بەختیار خۆی نەخستۆتە ئەو ئاستە، هیچ کاتێک لەسەر ناوبراو بنوسێت. ٤-سەبارەت بە یەکێتیی نیشتمانیی کوردستانیش، هەموو ئەو زانیارییانەی عەلی حەمە ساڵح، لەسەر یەکێتی بڵاویدەکاتەوە، ئەگەر راستنین، هەقە بەڕێز قوباد تاڵەبانی، یان مەکتەبی سیاسی سکاڵای لەسەر تۆمار بکەن. لەگەڵ رێزماندا سکرتێری رۆژنامەنوسی مەلابەختیار 10/1/2023

هەواڵ

10-01-2023

هەولێر.. کەسێک دەستگیر کرا کە دۆلاری کۆپی لابوو

بەشی پۆلیسی فریاکەوتنی هەولێر، لە پشت بەنزینخانەی ئاکار نزیک شەقامی (١٠٠ مەتری) تۆمەتبارێکی بە ڕەچەڵەک عەرەبیان بە ناوی (ک. ع. ا) دەستگیر کرد، کە بڕی (٤ هەزار دۆلار)ی کۆپی لابوو و دەیویست بە ناوی دۆلاری لیبییەوە لە بازاڕدا ساغی بکاتەوە.تۆمەتباری ئاماژەپێکراو، بە مەبەستی گرتنەبەری ڕێکارە یاساییەکان، ڕادەستی بەشی نەهێشتنی ساختەکاریی پۆلیسی نەهێشتنی تاوان کرا.

هەواڵ

10-01-2023

هەر کەسێک مووچەی لە 2 ملیۆن دینار زیاتر بێت بەشەخۆراکەکەی دەبڕدرێت

بەڕێوەبەری پسوولەی خۆراکی هەولێر رایگەیاند، تائێستا بەشەخۆراکی مانگانەی ئەو فەرمانبەرانە نەبڕدراوە کە مووچەیان لە ملیۆنێک و 500 هەزار دینار زیاترە، بڕیارە وەزارەتی بازرگانیی عێراق ئەو بڕە پارەیە بۆ دوو ملیۆن دینار زیاد بکات، واتا هەر کەسێک مووچەی لە دوو ملیۆن دینار زیاتر بێت ئەو کات بەشەخۆراکی مانگانەی دەبڕدرێت. لە مانگی ئایاری 2022، وەزارەتی بازرگانیی عێراق بڕیاریدا بەشەخۆراکی مانگانەی سەرجەم ئەو فەرمانبەرانە ببرێت کە مووچەیان لە ملیۆنێک و 500 هەزار دینار زیاترە، بەڵام بڕیارەکە جێبەجێ نەکرا. رۆژی سێشەممە 10-1-2023، سیامەند قادر نانەکەلی، بەڕێوەبەری پسوولەی خۆراکی هەولێر بە رووداوی راگەیاند: "لە ئەنجوومەنی وەزیرانی عێراق بڕیاردراوە ئەو یەک ملیۆن و 500 هەزار دینارە بکرێتە دوو ملیۆن، واتا هەر فەرمانبەرێک مووچەی دوو ملیۆن زیاتر بێت، نابێت بەشەخۆراکی مانگانە وەربگرێت." بەڕێوەبەری پسوولەی خۆراکی هەولێر گوتیشی: "پێویستە ئەنجوومەنی وەزیرانی عێراق ئەو بڕیارە بۆ وەزارەتی بازرگانیی عێراق بنێرێت و دواتر ئەوان بە نووسراوی فەرمی لە بڕیارە نوێیەکە ئاگادارمان دەکەنەوە، تاوەکو ئێستاش بڕیارەکە لە ئەنجوومەنی وەزیرانە و بۆ وەزارەتی بازرگانیی عێراق نەنێردراوە." پێشتر بڕیار درابوو هەر کەسێک مووچەی مانگانەی لە ملیۆنێک و 500 هەزار دینار زیاتر بێت، بەشە خۆراکەکەی ببڕدرێت. بەڕێوەبەری پسوولەی خۆراکی هەولێر گوتی: "هەندێک کارمان لەسەر کرد تاوەکو مانگی 12ی ساڵی رابردووش ناوی نزیکەی هەزار و 125 کەسمان لە بەشەخۆراکی مانگانەی هەولێر دەرکرد، بەڵام ئەگەر بەغدا بڕیارە نوێیەکەی بۆ ناردین ناوی سەرجەم ئەو کەسانە دەگەڕێتەوە لیستی بەشەخۆراکی مانگانە." لەبارەی هۆکاری جێبەجێنەکردنی بڕیاری پێشتری وەزارەتی بازرگانیی عێراق. سیامەند قادر گوتی: "دوای ئەو بارودۆخە ئابوورییەی بەسەر عێراق و هەرێمی کوردستان هات بڕیارەکە راگیرا و جێبەجێنەکرا، دواتر ئەنجوومەنی وەزیرانی عێراق بڕیاریدا ئەو بڕە پارەیە بکاتە دوو ملیۆن ئەوەش بە گوتەی خۆیان بەهۆی ئەوەیە کە پارەی عێراق هەندێک بێ بەها بووە و نرخی شتومەک بەتایبەت خۆراک لەسەر ئاستی جیهان گران بووە، بۆ لەبەرچاوگرتنی باری ئابووری هاووڵاتییان بۆ دوو ملیۆن دینار زیادکرا."

هەواڵ

10-01-2023

هێڵی ئاسمانی بەریتانیا رێگە بە پۆشینی حیجاب دەدات

هێڵی ئاسمانی بەریتانیا لەدوای 20 ساڵ، جلوبەرگی یەکپۆشی کارمەندەکانی نوێ دەکاتەوە و رێگە بە کارمەندە ژنەکانی نێو فڕۆکەکان دەدات لەگەڵ جلوبەرگەکەیاندا حیجاب بپۆشن. جگە لە حیجاب، هێڵی ئاسمانی بەریتانیا رێگە بە پۆشینی جلوبەرگی (jumpsuits) دەدات کە دیزاینەکەی جیاوازترە لە جلوبەرگەکەی پێشوویان. ئەم هەنگاوەی هێڵی ئاسمانی بەریتانیا لەنێو چالاکوانی وڵاتە ئیسلامی و عەرەبییەکاندا بە گەرمی پێشوازی لێکرا و بە بڕیارێکی ئەرێنی لەقەڵەم دەدەن. لە بەرانبەر ئەم بڕیارەی هێڵی ئاسمانی بەریتانیادا، چەندین کەسی دیکە لە تۆڕە کۆمەڵایەتییەکان داوا لە هێڵەکانی ئاسمانی وڵاتە عەرەبی و ئیسلامییەکان دەکەن، لەبەرکردنی حیجاب نەکەن بۆ کارمەندە ژنەکان نەکەنە ناچاری و وەک هەڵبژاردەیەک بیخەنە بەردەم کارمەندەکان. k24

گشتی

10-01-2023

نرخی دۆلار بەرامبەر بە دینار ژمارەیەکی پێوانەیی تۆمارکرد

0دۆلاری ئەمەریکی بەرامبەر بە 160000 دیناری عێراقی 100یۆرۆ بەرامبەر بە 167000 دیناری عێراقی 100 پاوەندی بەریتانی بەرامبەر بە 193500 دیناری عێراقی 100لیرەی تورکی بەرامبەر بە 8500 دیناری عێراقی 100ھەزار تومەنی ئێرانی بەرامبەر بە 3900 دیناری عێراقی 1 دیناری ئوردنی بەرامبەر بە 2030 دیناری عێراقی

هەواڵ

09-01-2023

لاهور جەنگی هێزێکی تایبەتی چەکدار دروست دەکات

لاهور شێخ جەنگی هێزێکی تایبەتی چەکدار دروست دەکات و ژمارەیەک لە ئەفسەرانی ناو یەکێتیش پەلکێش دەکات. بەپێی زانیارییەکانی باڵکیش، هێزەکەی لاهور جەنگی زیاتر لە هەزار کەسن و لەلایەن پۆڵات و ئاسۆی برایەوە سەرپەرشتییان دەکرێت و ڕێبوار حامید حاجی غالیش یەکێک دەبێ لە فەرماندەکانی. بەپێی زانیاریەکان، هێزەکەی لاهور جەنگی رەنگە ناوی (دووپشک) بێت و لۆگۆکەشیان هەر دووپشک بێت. تائێستا کەسانی نزیکی لاهور جەنگی ئەمەیان پشتڕاست نەکردوەتەوە.

هەواڵ

09-01-2023

ئەنجوومەنی ئاسایش راگەیەنراوێک بڵاو دەکاتەوە

پاش کەمێکی تر، ئەنجومەنی ئاسایشی هەرێمی کوردستان راگەیەندراوێک لەبارەی دەستگیرکردنی دووو تۆڕی تیرۆریستیی سەر بە گرووپی تیرۆریستیی داعش بڵاو دەکاتەوە، کە پیلانیان هەبووە پێش سەری ساڵی 2023 تەقینەوە و کردەوەی تیرۆریستی لە شاری هەولێر ئەنجام بدەن.

هەواڵ

09-01-2023

ئامادەین هەولێر و بەغدا لێکنزیک بکەینەوە

ناسر کەنعانی، وتەبێژی وەزارەتی دەرەوەی ئێران ئەمڕۆ دووشەممە 09-01-2023 لە کۆنفرانسی رۆژنامەوانی هەفتانەیدا وتی، ئێران، "پەیوەندیی نزیکی لەمێژینەی لەگەڵ رێبەران و بەرپرسانی هەرێمی کوردستانی عێراق هەیە. هەر کات دۆستان و برایانی عێراق پێویستیان بەوە بووبێت، کۆماری ئیسلامیی ئێران لە توانا و رۆڵی ئەرێنی و پەیوەندیی نزیکی خۆی کەڵک وەربگرێت بۆ نزیککردنەوەی روانگەکانی نێوان هەولێر و بەغدا یان بۆ چارەسەرکردنی کێشە و ناکۆکییەکان رۆڵێک بگێڕێت، درێخی لە گێڕانی ئەو رۆڵە نەکردووە." وتەبێژی وەزارەتی دەرەوەی ئێران ئاماژەی بەوەش کرد، وڵاتەکەی "باوەڕی پتەوی بە سەقامگیریی عێراق و بەهێزبوونی پێگەی عێراقێکی یەکپارچە لە ناوچەکەدا هەیە. نەک هەر بە قسە، بەڵکو بە کردەوەش ئەوەی پیشانداوە و لەو چوارچێوەیەدا بە بەردەوامی پشتیوانی لە گەل و حکومەتی عێراق، عێراقی یەکپارچە و یەکدەست کردووە و هەوڵ بۆ ئەوە دەدات." لەبارەی پەیوەندییەکانیان لەگەڵ هەرێمی کوردستان کەنعانی ئەوەی خستەڕوو، "دەزانن کە ئێمە دوو کۆنسوڵخانەمان لە هەرێمی کوردستانی عێراق هەیە، کە لە هەولێر و سلێمانین؛ لەو چوارچێوەیەشدا پەیوەندییەکی بەردەوام لەنێوان کۆماری ئیسلامیی ئێران و هەرێم[ی کوردستان] هەیە. پەیوەندییەکەمان لەسەر بنەمای نیازپاکی و دۆستایەتییە."

1 2 ... 441 442 443 ... 1147 1148

Balkesh Digital

دوایین بڵاوکراوەکان

لینکە سەرەکییەکان