هەردوو تۆڕی کۆمەڵایەتی و پەیوەندیی چینی تیک تۆک و ویچات دەبنە هاوبەشی دوو کۆمپانیای ئەمریکی و رێگەیان پێدەدرێت لەو وڵاتەدا بمێننەوە.
رێککەوتنەکە لە قۆناغی کۆتایی دایە بەڵام ئیمزا نەکراوە، دۆناڵد ترەمپ، سەرۆکی ئەمریکا رایگەیاند: کۆمپانیایەک بەناوی تیک تۆک گلۆباڵ دادەمەزرێنرێت کە دەبێتە خاوەنی نوێی هەردوو ئەپلیکەیشنەکان و بارەگای سەرەکی کۆمپانیاکە لە واشنتنی پایتەخت یان لە تێکساس دەبێ.
بە گوێرەی زانیارییەکان، لە 20٪ی پشکەکانی هەردوو ئەپلیکەیشنی تیک تۆک و ویچات کە خاوەنەکەی کۆمپانیای بایتدانسی چینیە، لەلایەن هەردوو کۆمپانیای ئەمریکی ئۆراکڵ و وۆڵمارت-ەوە دەکڕدرێنەوە، لە 12.5٪ی پشکەکان بۆ ئۆراکڵ و لە 7.5٪یان بۆ کۆمپانیای وۆڵمارت دەبن.
تائێستا کۆمپانیای بایت دانسی چینی قسەی لەبارەی رێککەوتنەکەوە نەکردووە و هەردوو کۆمپانیای ئۆراکڵ و وۆڵمارت-ی ئەمریکیش زانیاری زیاتریان لەسەر پێکهاتەی کۆمپانیای تیک تۆک گلۆباڵ نەدرکاندووە.