جیهان ژمارەیەکی پێوانەیی لە توشبوون بە ڤایرۆسی کۆرۆنا لە 24 کاتژمێردا تۆمارکرد، لەو ماوەیەدا 307 هەزارو 930 کەس تووشی ڤایرۆسەکەبوون، بەمەش ژمارەی توشبووان لە 30 ملیۆن کەس نزیکبووەوە.
رێکخراوی تەندروستی جیهانی WHO هۆشداری لەبارەی ئەو بەرزبوونەوەیە خێرایە دەدات و دەڵێ” هیندستان و ئەمریکا لەو ماوەیەدا زۆرترین توشبوونیان تێدا تۆمارکراوە.
تەندروستی جیهانی دەشڵێ” هەر لەو 24 کاتژمێرەدا 5 هەزارو 537 کەس بە کۆرۆنا گیانیان لەدەستداوە، کۆی گشتی ئەوانەی بە کۆرۆنا مردوون لە 930 هەزار کەس نزیکدەبێتەوە.
هەروەها لە 29 ملیۆن توشبووەکەی جیهان زیاتر لە 21 ملیۆنی چاکبوونەتەوە و ئێستا لە جیهاندا زیاتر لە 8 ملیۆن کەس هەڵگری ڤایرۆسی کۆرۆنان.
دواین ژمارەی پێوانەیی بۆ زۆری توشبووان شەشی ئەیلوولی ئەمساڵ تۆمارکرا کە 306 هەزارو 857 توشبوو بوو لە رۆژێکدا.