ئەوروپا 400 ملیۆن ڤاکسینی کۆرۆنا دەکڕێت
یەكێتی ئەوروپا گرێبەستێك لەگەڵ كۆمپانیایەكی بواری دەرمانی بەریتانی واژۆ دەكات بۆ كڕینی 400 ملیۆن ڤاكسینی كۆرۆنا.
كۆمپانیای “ئەسترازینیكا”ـی بەریتانی بۆ بەرهەمهێنانی دەرمان و كەرەستە پزیشكییەکان، لە راگەیاندراوێكیدا ڕایگەیاند، لەگەڵ یەكێتی ئەوروپا گرێبەستێكیان واژۆ كردووە بۆ پێدانی 400 ملیۆن ڤاكسینی دژە ڤایرۆسی كۆرۆنا، كە بڕیارە بەرهەمی بهێنێت.
بەرپرسێكی كۆمپانیایەکە ڕایگەیاند، تا ئێستا خواست لە سەر ڤاكسینەكەیان گەیشتووە بە سێ ملیار داواكاری و بەشێکی زۆری داواکارییەکانیش لە لایەن وڵاتانی ئەوروپا و ئەمریكا بووە.