سوپای ئۆكراینا رایگه‌یاند، هێزه‌كانی رووسیا شه‌وی رابردوو له خاركیڤ دابه‌زیون و ئێستا شه‌ڕ و پێكدادان له نێوان سوپاکانی هەردوو وڵات له دووه‌م گه‌وره‌ترین شاری ئۆكراینا به‌رده‌وامه.
سوپای ئۆكراینا له له راگه‌یه‌ندراوێكدا ئاماژەی بەوە کردووە، كه شه‌وی رابردوو هێزێكی ئاسمانی رووسیا له خاركیڤ دابه‌زیون و هێرشیان كردۆ‌ته سه‌ر نه‌خۆشخانه‌یه‌كی ئه‌و شاره.
دەشڵێت، ئێستا شه‌ڕ و پێكدادان له نێوان سوپای ئۆكرانیا و هێزه‌كانی رووسیا له خاركیڤ به‌رده‌وامه.