ئەمڕۆ ھەینی سوپای پاسدارانی ئێران ته‌قه‌ی له سێ هاووڵاتی دانیشتووی ناحیه‌ی باسنێی سه‌ر به قه‌زای شارباژێر كرد، به‌م هۆیه‌وه یه‌كێكیان گیانی له‌ده‌ست دا و دوو كه‌سه‌كه‌ی تر بریندار بوون.
شاھۆ عوسمان قایمقامی شارباژێڕ ڕایگەیاند، سێ ھاووڵاتی كە باوک و کوڕێک و کەسێکی دیکە بوون، بۆ پرسە سەردانی گوندی چۆمانی ڕۆژھەڵاتی کوردستانیان کردووە، بەڵام لەلایەن سوپای پاسدارانی ئێرانەوە تەقەیان لێ کراوە و کەسێک بەناوی داستان ڕەسوڵ کوژراو و دوو کەسی دیکەش برێندار دەبن.
قایمقامی شارباژێڕ ئاماژەی بەوەش کرد، لێکۆڵینەوەیان لە ڕووداوەکە دەست پێکردووە، ھەرچەندە جارێ نازانن ئەو سێ ھاووڵاتییە ئایا بۆ پرسە چوونەتە گوندی چۆمان یان بۆ سەردان و بەسەرکردنەوە.