دیندار زێباری ڕێکخەری ڕاسپاردە نێودەوڵەتییەکان لە حکومەتی ھەرێمی کوردستان رایگەیاند، بەھۆی بەکارھێنانی ماددەی ھۆشبەر زیاتر لە 3 ھەزار کەس لە زیندانەکاندان.
دیندار زێباری, ڕێکخەری ڕاسپاردە نێودەوڵەتییەکان لەکاتی بەشداریکردن لە بەرنامەیەکی تەلەڤزیۆنی وتی، زیاتر لە 3 ھەزار کەس بەھۆی بەکارھێنانی ماددەی ھۆشبەر خراونەتە زیندانەوە.
دیندار زێباری ژمارەی بێسەروشوێنبووانی شنگالی ئاشکرا کرد و رایگەیاند، نزیکەی3 ھەزار ھاوڵاتی شنگال کە لەلایەن چەکدارانی داعشەوە رفێندراون، بێسەروشوێنن.
لەبارەی رێژەی توندوتیژی بەرامبەر بە ژنان، دیندار زێباری وتی، ژنکوژی زیادی نەکردووە، بەڵکو ھۆشیاری بۆ رێگریکردن لەو دیاردەیە زیادی کردووە.