یاریزانانی ڕیال مەدرید بەکێ دەڵێن زەڕافە؟
مەسعود حەسەن / باڵکێش
تیبۆ کۆرتوا، گۆڵپارێزی بەلجیکی و یانەی ڕیال مەدریدی ئیسپانی لە لێدوانێکدا لە تۆڕەکۆمەڵایەتییەکان ڕایگەیاندووە، یاریزانانی ڕیال مەدرید لەکاتی مەشق و ڕاهێنان و ژووری خۆگۆریندا بە زەڕافە بانگی دەکەن.
وتیشی: سێرجیۆ ڕێگیلۆن کە یانەی ڕیال مەدریدی ئیسپانی جێهێشتووە و ڕووی لە یانەی توتنهامی ئینگلیزی کردووە، بەو ناوە بانگی دەکردم.
تیبۆ کۆرتوا باڵای دوو مەترە و یەکێکە لە باڵا بەرزترین یاریزانانی خولی ئیسپانیا و وەرزی 2019 – 2020، خەڵاتی باشترین گۆڵپارێزی وەرگرت.