هەرزەكارێك بانگهێشتی هەلبژاردەی ئینگلترا كرا
مەسعود حەسەن/باڵکێش
جود بێلینگهام یاریزانی لاوی یانەی بۆڕووسیا دۆرتمۆند بۆ یەكەمجار بانگهێشتی هەڵبژاردەی تۆپی پێی ئینگلترا كرا، دوای ئەوەی هەردوو یاریزان ترینت ئاڕنۆڵد و جەیمس بروس بەهۆی پێكانەوە ناویان لە لیستی یاریزانانی هەڵبژاردەی ئینگلترا سڕایەوە.
پێشتر بێلینگهامی 17 ساڵ لەگەڵ هەڵبژاردەی خوار تەمەن 21 ساڵی ئینگلترا مەشق و ڕاهێنانی كردبوو، بەڵام ئەمجارە لەگەڵ جادۆن سانچۆی هاوڕێی لەلایەن گاریس ساوسگەیت بانگهێشتی هەڵبژاردەی ئینگلاند كرا.
رۆژی پێنچ شەممەی داهاتوو هەڵبژاردەی ئینگلترا لە یارییەكی دۆستانە رووبەرووی هەڵبژاردەی ئێرلەندا دەبێتەوە، پاشان لە خولی نەتەوەكانی ئەورووپا لە ڕۆژی یەكشەممەی هەفتەی داهاتوو لە دژی هەڵبژاردەی بەلجیكا یاری دەكات و لە دواین یاریشدا رێكەوتی 18ی ئەم مانگە رووبەڕووی ئایسلەندا دەبێتەوە.