كوڕی لیلیان تورام بانگهێشتی هەڵبژاردەی فەرەنسا كرا
مەسعود حەسەن/ باڵکێش
ماركوس تورام بەهرەمەندی لاوی یانەی بوروسیا مونشنگلادباخ و كوڕی لیلیان تورام ئەستێرەی پێشووی هەڵبژاردەی فەرەنسا بۆ یەكەمجار بانگهێشتی هەڵبژاردەی نیشتمانی وڵاتەكەی كرا.
دیشامپ راهێنەری هەڵبژاردەی فەرەنسا لە پرێس كۆنفراسێكدا گووتی:” تورامی تەمەنی 23 ساڵ ئێستە گەیشتۆتە ئاستی بەرز و توانای ئەوەی هەیە جیاوازی دروست بكات و كاریگەر بێت، لەبەر ئەوە بانگهێشتم كرد”.
رۆژی چوارشەممە هەڵبژاردەی كەڵەشێرەكان یارییەكی دۆستانە بەرانبەر هەڵبژاردەی فینلەندا ئەنجام دەدات، پاشان لە 14ی مانگ لە لیشبۆنە دەبێتە میوانی هەلبژاردەی پۆرتوگال لە گەڕی پێنجەمی خولی نەتەوەكانی ئەورووپا و پاشان لە 17ی هەمانگ مانگ لە گەڕی شەشەم و كۆتایی لە پاریس پێشوازی لە هەڵبژاردەی سوێد دەكات.